[加分活動] 對334的感受 備註 : 活動結束

adamsteve

會員名字 : adamsteve
現就讀級別 : 大學二年級
334對我有沒有影響 : 無
對334有什麼感受 : 我覺得佢又咁樣改一次，會超亂。同埋一試定生死，學生壓力的而且確係會大左。
                          但係我睇過佢宣傳海報，佢有得比人學好多語文，都幾照顧到小數民族(不過我唔會信                   佢，寫梗係寫得好睇。再好ge計劃落係香港政府手上都係會死)。 同埋佢揀科組合性強，真係可以任學生揀。
好似我讀中六七哥陣咁，如果我係334我一定會揀pure phy geog  而唔會揀applied黎讀。
334選科的問題/困難 : 我最大ge問題就係，334讀少一年，咁佢地咪會同最後一年舊學制ge中七學生，一齊                 爭位入大學lo？ 我好有興趣知道，到時佢會點搞，定係佢根本無諗過會有咁ge事情發生(好似外傭稅事件咁)。 佢

wong87

會員名字 : wong87
現就讀級別 :  F3
334對我有沒有影響 : 絕對有,唔洗4個月就到我份

對334有什麼感受 :
直升中6 以前本身就有f3,f5都有個試來挑走d人,拎到有機會上大學既人得幾萬人,現在334令到最少10萬人以上來搶大學學位..大學學位有限,得9間就算加多左學位,都難拎到佢既學位遲d又整個彈性班,根據之前同資深老師做既訪問,十幾年前係用英文教,跟住轉左做中文,都有小小困難,中文都係母語,中文轉英文咪仲難。通識科用中文都難都乜咁...用英文咪連望都唔洗望-.-...電視新聞有講比分唔同..分數太主觀
另外,e家F3既334既學生,升到中6就升大學咁咪同中4既343學生中7升大學咪撞埋同一年?



334選科的問題/困難 :
我間學校有5班,其中一班係以英文來教理科,但就話要以英文全年平均分有70分先可以 讀真係難左小小...教理科老師就話教中文班既理科,係有小小中文同英文,因為英文名詞係國際化..大部分都係用呢個..

[S]【YU】

會員名字 : Yu
現就讀級別 :  U Grad
334對我有沒有影響 : 無

對334有什麼感受 :

考試由兩個變成一個,好多人都認為會對學生構成更大壓力,但我既想法正好相反. 現今學制下,學生即使順利升讀預科,都未能保證入到大學. 而預科年半既AL課程內容,兩頭唔到岸,如果入唔到大學,讀完同無讀無乜分別,兩年學費白交.


假如兩個考試係平行計分,咁一個試衰左,仲有另一個可以努力d黎補救,咁就言之成理無咁大壓力. 不過而家係假如CE衰左,你都已經無資格考AL. 就好似將2個stages變成1個,而難度取之平均,咁爆機自然易d. 有人都提及過一d壞處,課程可能加入現在中六課程,即較艱深既課題. 不過既然係憑興趣選科,我相信o係個人興趣上深一層學習,唔會係咩大問題.

334選科的問題/困難 :

選科上好似比以前更加有自由度,但係學校能否提供足夠資源,係一個疑問. 例如每個課室只能載40學生,如果有50個學生都想揀某科,咁10個學生可能就無得讀了,勉強開2班又可能浪費資源,無咁多課室,又或者唔夠老師. 如果資源要配合學生需要,校方根本唔知黎緊一年需要邊科既老師較多. 最簡單做法係教學資源不變,用學生成績去排隊揀科,變成好似大家都好憎既jupas咁. 若揀唔倒自己興趣既學科,又被迫要學習更艱深既課題,就真係sosad.

☆h!ag★

會員名字 : ☆h!ag★
現就讀級別 : F2
334對我有沒有影響 :沒影響
對334有什麼感受 : 支持.因為教育局都決定左.我就算反對.作用也唔大.本身自己成績也ok.所以冇所謂
334選科的問題/困難 : um...有d困難ge.因為我自己代數好.跟住歷史都唔錯. 咁幾何.物理同埋地理又差左d b0
                              所以都唔知選邊科好 將來- -

榤奇

會員名字 : 榤奇

現就讀級別 : F.3

334對我有沒有影響 :
其實就本人來說, 我覺得是沒有太大影響的, 因為334學制都只是6年中學,4年大學
那我反覺得比較好了, 相比之前人家會考升班, 也許我們會讀得沒那麼苦

對334有什麼感受 :
本來是中立的, 第一, 334是新學制, 未來是怎樣沒人能知得清楚, 第二, 轉了學制也是讀書, 只是在課程上有所不同, 但程度深淺方面就有待查證
我還是支持好了, 有點貪新鮮的心態, 加上6年比人家讀上F.7好, 4年大學也不難讀, 最緊要是自己喜歡的科目, 讀得開心

334選科的問題/困難 :
選科方面, 理科無疑是大多數人選的科目, 最少以我目前收到消息來說, 沒錯了
我校商科初初沒多少人選, 不過貌似有人發現了商科的好處...本來我是選商科的
可是競爭激烈, 自問成績不是好, 沒意思, 況且文科現在只是 中史/西史 +  地理 + 自選
我覺得還可以 基於先前是商科少人讀, 加上有人推薦, 我先選商科
應該進不了, 第二選擇是文科

我的自選是ICT, 即是校內俗稱電腦科
暫停來說, 我的目的只是有足夠分數入大學
也許等上了F.4看情況狠狠拚搏... ...

通識是必修我覺得或多或少有影響, 因為有機會比較難讀
看個人情況, 但我還是覺得有點多餘

原因不明, 有點迷茫~

就以上所說, 選科的困難只是商科和文科的取捨
但我的心還是向文科的

沒多大問題, 應該會留意一下各科動靜的了

j32738

會員名字 : j32738

現就讀級別 : 中七

334對我有沒有影響 : 冇

對334有什麼感受 : 我反對334,而家F.4,F.6可以揀起碼3-4科,改左制,最多揀3科
仲要通識係必修,通識真係最難搞既一樣野,好似中化卷二咁,(範圍仲廣過佢),改卷標準好難定,通識真係好睇個評卷員點睇,仲難搞過中化卷二,因為中化個範圍只係6個篇章既概念,而通識就乜都有,都唔知點先拎到高分,好似變左中化卷二咁樣睇運就慘,因為通識要合格先升到大學,中化卷二唔合格都有其他卷拉-.-

仲有,中四揀科可以phy讀一d,chem讀一d
搞到好似乜都讀到一半半咁,唔夠全面

chanmanman

會員名字 : chanmanman
現就讀級別 : 中三
334對我有沒有影響 : 有
對334有什麼感受 : 對於會考一戰定生死感到反感
334選科的問題/困難 : 無

Mr魂

會員名字 :Mr魂
現就讀級別 : f.3
334對我有沒有影響 : 有
對334有什麼感受 : 反對334,因為334我學校得2科選,之前有5科,如果果兩科真係讀唔到就死啦..
334選科的問題/困難 : 選左地理同經濟,d人話經濟好難,讀唔好點算呀..

新鮮人

會員名字 : 新鮮人
現就讀級別 : F5
334對我有沒有影響 : 極少
對334有什麼感受 :  雖然同我ge關係好少,,但係改左學制會少左個機會篩走d真係唔適合讀書ge人,,係就係話有得讀通識,,但係實際對一班讀唔到書ge人幫助有幾多都唔知,,可能仲浪費多左時間
334選科的問題/困難 : N/A

Poon

會員名字：五月霜
現就讀級別：中三
334對我有沒有影響：當然有，首屆334學制白老鼠
對334有什麼感受：當我看到這項目解讀為支持或反對，令我有點疑問應否參與活動。
                          即是說，在本人角度看，並沒有所謂支持或反對，凡事皆有雙面。
                          先說說好處吧，三三四學制令中學生一般成績水平提高至中六，
                          表面上有效增加香港高學歷知識份子，其中通識課程意思能夠令到學生可以多方面思考，
                          懂得處世之道及不只是個書呆子。
                          另外於高中選科也有巨大改變，由過往分為「文理商」，
                          現改為「文中有理，理中有文」，即中三學生選科時不會受到文、理、商科的規限，
                          可以自由搭配不同類型的科目。
                          除此之外，三三四學制主張多元化學習，令喜歡戶外的學生亦有一展所長的機會。
                        
                          好了，把個人感受到的優點說光後，現在就談論三三四學制的弊處。
                          
                          雖然在三三四學制之下，所有中學生至少有中六程度，但當中並無任何公開考試，
                          令中六學生的成績水平下降，因那些無心向學的學生也必須升讀中六。
                          另外，通識科本意希望學生多方面思考，可是以目前香港通識科的教法，
                          仍不足使學生真正明白其真正意思，所謂「多角度思考」大部份只會在堂上有所表現，
                          現實生活中還是一如以往，思想不成熟。
                          三三四學制的學生並沒有重考公開試的機會，只能「一take過」，
                          否則便因校本評核而引起麻煩。
                          雖說學制鼓勵學生多參與社會事務，
                          每年限定學生必須參與135小時(約數)社會義工等服務，
                          不過，實際上為學校加重非常大的負擔，因為需要不斷尋找合適活動予學生，
                          而所謂參與社會義工等服務，在學生角度上只是被迫做苦工。
                          課程重新編排卻沒有徵詢全港老師意見，使教學上容易出現問題，
                          家長對於新高中課程也沒有發表意見的機會，子女的學習環境迅捷更改，
                          老師和家長被視為局外人。

                          最後，三三四學制暫時來看弊多於利，但一切仍處於觀望期，
                          有待第一屆中學文憑公佈成績才知道高新中課程是一敗塗地或成效顯著。
                          畢竟，求學只為求分數。
                          
334選科的問題/困難：沒有