<神兵4>第3期 (坤劫．損日)
尋日病左成日留o係屋企休息，諗住5,6點落街買<神兵4>陪下自已啦﹗點知<武神><王小龍傳>都一早出左，係唔見<神兵4>﹗失望...睇黎龍少要同發行商傾傾，改善出書時間至得喇﹗今朝返工前即時去報攤買書睇，GOOD﹗果然好野﹗延續上期精緻既畫工，開首時坤劫(神秘人)同差佬對打既一幕直頭好似睇緊電影咁，分鏡水準一流﹗如果刪去埋一D多餘既旁白就great喇﹗(例:好似差佬對坤劫起勢咁開槍，其實冇必要用旁白「.....眾警員緊張得如驚弓之鳥，為求自保，瘋狂射殺。」；又例如畫面已經表達左坤劫既護甲彈開左字彈，再用旁白話佢「刀槍不入」就顯得多餘了。)
睇完緊張刺激既室內對戰後(其實只係一面倒既差人俾打，不過展示倒坤劫其中一種異能，驚喜﹗)，就到一班實景高手既搏殺喇﹗貫徹上期既超強實景，70年代既香港街景鉅細無遺咁展覽大家眼前，無論係大型既建築物(好似高樓大廈，山頂凌霄閣(唔知73年有凌霄閣未呢？呵呵~)，到九龍城大廈內既水管､垃圾桶､燈制等，都做到一絲不苟，班做實景班兄弟認真抵讚﹗good good﹗
人物方面，小弟對今期坤劫､損日既雌雄同體印象最深，雖然唔知呢個係咪最終設定，不過呢個idea幾新鮮，我鐘意wor﹗嘻~~而主角紀辰天今期既表情亦都非常抵死豐富，(賭$o個幕係咪龍少拎住塊鏡畫架？哈哈﹗)希望之後唔會因為功能大進，令主角失去左呢份鬼馬既童真就好了﹗而今期尾聲將故事背景由香港拉去宇外流化，上期龍少話畫大鳥戰畫到佢抽筋，期待下期呢﹗
可能班高手做實景做到辛苦得滯，今期都有d少錯處要出聲既，好似阿天同大耳隆追逐既街景明明落緊雨，但係就有幾格都見倒有人雨中冇拎庶漫步(你可以話佢唔記得帶庶，不過冇理由企o係度唔避雨卦？)。另外嚴重少少就係坤劫拔出腰間紅劍轉化為損日既時候，腰間竟然仲有把紅劍o係度wor~~扣分。^_^最後就係last頁既損日…..成個男人咁，哈哈﹗畫返玲瓏d就好了﹗
總括黎講，需要改善既地方有
1.
出書時間太遲
2.
減少多餘旁白 (港漫通病)
3.
注意細節
整體黎講hk$ 14蚊都係抵俾既，福龍公司加油﹗努力﹗
[ 本帖最後由 xmen 於 19-4-2008 01:13 編輯 ] 咪係囉....出書出得太遲喇
我尋日由觀塘返學既時候朝早去報紙檔唔見有
放左學都唔見,最後我估係觀塘未有姐
點知最尾番屋企到左上環行過報紙檔都仲未有
到今日出街先見到有得賣...等我尋日仲行左幾間睇..
心諗..冇咁好賣下話? 間間都冇?
點知原來未出...我頂....=.= 1.見倒有人雨中冇拎庶漫步
一少部份人無拎而佢地唔係係路中心，係大夏附近所以都算避雨
2.另外嚴重少少就係坤劫拔出腰間紅劍轉化為損日既時候，腰間竟然仲有把紅劍o係度wor~~
個個係劍套黎大哥
真正錯誤地方應該就係第8頁第一格
紅劍同藍劍左右到掉左 原帖由 南龍介 於 1-3-2008 19:10 發表 http://www.nakuz.com/bbs/images/common/back.gif
1.見倒有人雨中冇拎庶漫步
一少部份人無拎而佢地唔係係路中心，係大夏附近所以都算避雨
2.另外嚴重少少就係坤劫拔出腰間紅劍轉化為損日既時候，腰間竟然仲有把紅劍o係度wor~~
個個係劍套黎大哥
真正錯誤地方應 ...
呵呵~~龍介兄咁講都有道理，呢d都係小弟睇書時覺得唔順眼提出者~(好似覺得沙曼洛識講中文怪怪地咁，個人喜好也)
雨中漫步既人係指第19頁下圖既男人，第21頁左上圖既黑影，令我睇時覺得怪怪地唷﹗(好似前排睇過律政新人王2，法院外落大雨但係影倒其他人冇拎庶o係街行，攪笑。)
至於龍介兄都好眼利，第8頁的確係左右掉轉左呢﹗呵呵~~但係第35頁我睇倒把刀拔左出黎仲有刀柄係度，又係小弟睇得唔順眼既地方。^_^ 原帖由 xmen 於 1-3-2008 19:25 發表 http://nakuz.com/bbs/images/common/back.gif
呵呵~~龍介兄咁講都有道理，呢d都係小弟睇書時覺得唔順眼提出者~(好似覺得沙曼洛識講中文怪怪地咁，個人喜好也)
雨中漫步既人係指第19頁下圖既男人，第21頁左上圖既黑影，令我睇時覺得怪怪地唷﹗(好似前排睇過律 ...
哈哈19頁我覺得無都算合理
21頁黑影就真係值得商確。
35頁無留意到哈哈原來真係有刀柄
xmen兄果然眼利[]
如果龍少每期整返個搵錯獎都幾係野。
PS:期實呢到有無龍少公司D人睇場架? ^_^ 因為自已好耐冇追睇港漫，所以睇得用心少少，先見倒呢d小錯誤既。其實呢d小錯對本書既影響唔大，不過提出黎等福龍漫畫都知讀者會仔細咁睇，佢地既心機冇白費啦﹗(呵呵~~等佢地唔敢亂畫也。)而且難得有個平台俾我地呢d小讀者發表意見，都係一件好事呢﹗
既然開得個版俾人黎，漫畫公司應該都會上黎收集下意見既，唔係開黎都冇意思啦﹗大家寫完如果見倒冇用既，寫寫下都唔會黎唷﹗^_^ 今期好似出左[油麻地十三龍][] 其實我睇瀑畫主要係睇故事為主,
不過有時間番睇先一格格細看,
所以錯圖就唔係好覺,反而錯色就易見d
講番正題,其實我e家覺得頭3期加埋先可以叫一個較完整ga開幕,
因為明確指出會在宇外流化開拖,
又解釋點解有主角份,
俾讀者較清楚ga概念
同時又有一d問題比讀者去諗諗,
不過如果做創刊邊有可能咁厚?
睇左,又講番少少睇法
1.我覺得坤劫同損日在宇外流化係兩個人,不過因為唔可以咁多人去地球(唔知咩原因),so暫時二合為一。如果雌雄同體,oh my god,好恐怖
2.天仔有晶體在身,可以吸植物d生命力去charge電,起碼有d本錢(異能)在異世界生存,都好過失驚無神識飛天遁地
3.天仔吸左把刀,連墨生都吸埋,會唔會合二為一,有晒d宇外流化ga相關知識? 仲有,想讚下福龍週記,同以前一樣抵死好笑,特別係陳生句英文[] 原帖由 南龍介 於 1-3-2008 19:10 發表 http://www.nakuz.com/bbs/images/common/back.gif
1.見倒有人雨中冇拎庶漫步
一少部份人無拎而佢地唔係係路中心，係大夏附近所以都算避雨
2.另外嚴重少少就係坤劫拔出腰間紅劍轉化為損日既時候，腰間竟然仲有把紅劍o係度wor~~
個個係劍套黎大哥
真正錯誤地方應 ...
第36頁就係劍套，但係第35頁個右下角個格，仲可以清楚見到劍柄同紅色劍身連在一起，根本就係一把完整既紅劍。
頁:
[1]
2